ಹೀಗೊಂದು ಘಜಲ್ ....

        ಹೀಗೊಂದು  ಘಜಲ್(ghajal)

ಸಖಿಯೇ,

ನಿನ್ನುರಿನಲಿ  ನಾನೊಬ್ಬನೇ 

ನಿನ್ನ ಹೆಜ್ಜೆಗಳ ಹಾದಿ ಹಿಡಿದು 

ಎಲ್ಲವೂ ಬಿಟ್ಟು ಬಂದಿದ್ದೇನೆ 

ಸುಮ್ಮನೆ  

ದಾರಿ ಹೋಕನಿಗಿಂತ 

ಕೇಳು,

ದೊಡ್ಡ ಗೌರವವೇನೂ ಬೇಡ

ಕಪ್ಪಿಟ್ಟ ಮಲ್ಲಿಗೆಯ 

ಮಾತ್ರ ಕೊಡಬೇಡ 

ಹೌದು,

ನನಗಾಗಿಯೇ ದೀಪ ಹೊತ್ತಿಸಬೇಡ 

ನಿನ್ನ ಕಣ್ಣಾಲೆಗಳ

ಬೆಳಕು ಮಾತ್ರ ನಿಂದಿಸಬೇಡ 

ನನಗೆ ಗೊತ್ತಿದೆ ಸಖಿಯೆ,

ಶೆರೆಯ ಮಿಂದೆಳುವುದು  ಸಾವಲ್ಲವೆಂದು 

ನಿಶೆಯೊಡಲ ಹಾಡುಗಳು 

ಬೆಳಕಲ್ಲವೆಂದು

ಬಾ

ಬಂದಿದ್ದೇನೆ ನಾನೊಬ್ಬನೇ 

ಇಂಗುತ್ತೇನೆ ಮಾತಾಗಿ 

ನಿನ್ನೊಳಗೆ ಸುಮ್ಮನೆ 

                                                         -ರಾಗಂ