ಏನಾಗಿದೆ?(a dark in the light)....

  

ಈ ಬೆಳಕಿನಲ್ಲಿ

ಎಷ್ಟೊಂದು ಕತ್ತಲೆಯಿದೆ

ಅಂಗುಲಂಗೂಲಕೂ

ಲಪಾಟಿ ಸುತ್ತಿಕೊಂಡೂ

ದೇಹ ಬೆತ್ತಲೇ ಇದೆ

ಬ್ರಹ್ಮಾಂಡ ಸುತ್ತುವಷ್ಟು

ಅಪರಂಪಾರ ಕರುಳಿದ್ದೂ

ಕರುಣೆ ಕಲ್ಲಾಗಿದೆ

ಜಗದ ಬುಡ ಅಲುಗಾಡಿಸಿ

ಗೆಲ್ಲಿಸುವ ಬೆರಳುಗಳಿದ್ದೂ

ಮನುಷ್ಯತೆಯ ಲೆಕ್ಕಾಚಾರ ಬಡವಾಗಿದೆ

ಹಾದಿ-ಹಾದಿಗೆ ಹುಲ್ಲು

ಬೀದಿಗಳ ಬಾಯ್ಮುಚುವಷ್ಟು ಬೆಳೆಯಿದ್ದೂ

ಸಮಾಜ ಕಸಾಯಿಖಾನೆಯಾಗಿದೆ

ಆತ್ಮ ಸತ್ತವರ ಮುಂದೆ

ಕುರಿಮಂದೆಯಂತೆ ನಮಾಜು ಹಾಕಿದೆ